→ كل الوصفات

مكرونة بالوايت صوص وخضراوات بالفرن

بما أن الأسبوع الأول : الفلفل بأنواعه 🌶️ 🫑 ( أسود/أسمر، الأحمر، الحلو، الحراق/الحار...) وصفة حلوة وسهلة هتعجبكم جدا بإذن الله ❤️ #وصفات_بالفلفل #تحدي_ملك_البهارات

  • 1/2 : 3/4 ك مكرونة اقلام مسلوقة
  • فلفل ألوان أخضر وأحمر وأصفر مقطع مكعبات صغيره
  • 3 طماطم منزوعة البذور مقطعة قطع صغيره
  • بصل مقطع قطع صغيره (يفضل بصل أخضر)
  • 2 م ك دقيق
  • 2 كوب لبن ساخن
  • ملح حسب الرغبه
  • 1/2 م ص فلفل اسود
  • 1/4 : 1/2 م ص فلفل احمر حار مجفف
  • رشه بهارات متنوعة
  • رشة زعتر
  • رشة روزماري
  • 1/2 كوب مشروم شرائح
  • كوب جبنة موزاريلا
  • م ك زبدة أو سمنة
  • م ك زيت
  1. نسلق المكرونة ونصفيها ع جنب
  2. ونعمل الوايت صوص (صوص بشاميل خفيف) هنجيب حلة على نار واحط فيها السمنه والزيت مجرد ماتسيح هنزل بالدقيق واقلب كويس علشان يبقى كريمي ولونه مدهب شوية وبرفعها من على النار و انزل بالحليب بالتدريج مع تقليب علشان مايعملش كتل ويدوب الدقيق تماماً و نوصل للقوام المطلوب وتحطي رشه جبنه موزاريلا ونقفل عليها ونحط ملح وفلفل اسود وفلفل المجفف و زعتر وروزماري وبهارات متنوعة ونخلطهم كويس
  3. وفي طاسة ع نار نحط زيت ونشوح بصل وفلفل ألوان وحطي رشه توابل بسيطه عليها وبعدين نقفل عليها ونحطها ع صوص بشاميل
  4. ونجيب مكرونة مسلوقه ونحطهم كلهم مع بعض ونخلطهم واحطهم في طاجن و احط الجبنه من فوق وندخلها الفرن تاخد لون والجبنه تسيح وتكمل تسويه بسيطه وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →