→ كل الوصفات
يا جماعة بجد طعمها خيالي والحشوة دي وحياة ربنا تجنن 😉 #تجهيزات_رمضان
المقادير
- كيس مكرونة اقلام 400 جرام
- ½ كيلو سجق مقطع حلقات
- ¼ بسطرمة مقطعة صغير
- 3 حبات فلفل اخضر مقطع صغير
- رشة فلفل اسود
- كيلو لبن
- 3 معالق كبار دقيق
- ملعقة كبيرة نشا
- ملعقة صغيرة فلفل اسود
- ملعقة صغيرة زعتر جاف
- رشة جوزة الطيب
- مكعب ماجي
- ملح حسب الاحتياج
- جبنة موتزاريللا
- رشة زعتر
طريقة التحضير
- اولا اسلق المكرونة في ماء ساخن وملح وشوية زيت وبعدين اصفيها ،
- ثانيا اجهز الحشوة : في طاسة اضع مكعب زبدة صغير وانزل بالفلفل الاخضر اشوحه لحد لما يدبل وبعدين انزل بالسجق اشوحه وبعدين البسطرمة والفلفل الاسود وبس كدة ،
- ثالثا البشاميل :اقلب كل المكونات علي البارد وبعدين ارفه علي النار لحد لما يتقل شوية ،
- انزل بجزء من البشاميل علي المكرونة وعليهم الحشوة واقلبهم كويس ، وبعدين اضع بشاميل في قعدة البايركس وانزب بالمكرونة وبعدين باقي البشاميل ،
- ارش الموتزاريللا علي الوجه وعليها الزعتر وادخلها الفرن لحد لما الجبنة نسيح وتاخد لون وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد