→ كل الوصفات
اكتر آكلة زوجى بيحبها ..ودائما بفآجئه بيها .وبعملها بطريقه جميلة ولذيذة و مختلفة
المقادير
- كيلو إلا ربع مكرونه قلم
- 0.25 لحمه مفرومه او نص لو بتحبيها كتير فالاكل
- بصله كبيره مبشوره
- جزرة كبيره مبشورة
- 2 طماطم ونضربها بالخلاط(عصير)
- سمنه بلدى
- 2 بيض
- معلقة طماطم مسبكه فالبيت ولو مفيش يبقي صلصه العلب
- كيلو لبن
- 5 معالق كبار دقيق
- مكعبين جبنة كيرى او اى نستو
- معلقتين قشطه
- ملح...فلفل اسود..بهار لحم..جوزة الطيب..قرفه
طريقة التحضير
- نحمر البصله لما تصفر فالسمنه البلدى وبعدين نحط المفروم ونقلب لما لونه يتغير وبعدين نحط الملح والتوابل ونقلب شويه
- وبعدين الجزر ونسيبه شويه واخر حاجه عصير الطماطم ونسيبها تتعصج
- نسخن 3معالق كبار سمنه وننزل بالدقيق ونحمر لما ياخد لون ذهبى اوعى يتحرق
- وبعدين تنزل باللبن كله مره ونقلب بسرعه عشان ميكلكعش وأن كلكع اضربيه بالميكس بلندر او الخلاط
- وقلبي لما يتقل ونحط الملح والجبنه ورشه فلفل اسود بسيط ولما يتقل طفي النار..انا بحبه ثقيل لو حباه وسط قللى الدقيق واللبن شويه
- لما يبرد اخفقي بيضه وقلبيها فيه حلو لما تختفى..بتدى للبشاميل لون
- نسلق المكرونه ونحط ملح فميتها ونصفيها واخر خطوه سلق المكرونه ونصفيها عشان تبقي طريه...فى ناس بتسلقها الأول وتسيبها بتبقى مجلده ومش حلوه
- نجيب حله ونحط المكرونه وعليها القشطة والطماطم المسبكه وبيضه مخفوقه ومعلقتين كبار بشاميل ونقلب كويس
- نجيب صينيه ونحط نص المكرونه وعليها اللحمه
- وبعدين المكرونه الباقيه وفوقها البشاميل..وتدخل الفرن عالشبكه ونشغل الفرن من تحت الأول وبعد ربع ساعه نخلى الفرن من فوق وتحت بتاخد نص ساعه..ولما تحمر نطفى ونسيبها شويه بالفرن وبعدين نقطعها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد