→ كل الوصفات
#عروسة_جديدة
المقادير
- 500 جرام مكرونة اقلام
- 500 جرام لحمة مفرومة او اقل
- بصلة متقطعة
- فلفل متقطع
- فصين توم متقطعين
- عصير 1 طماطم
- معلقة صلصة
- ملح
- فلفل اسود
- جوز الطيب
- بهارات لحمة
- 7 بهارات
- جبنة موزاريلا
- حوالي كيلو الا ربع لبن
- 4 معلقة ممسوحة دقيق
- 4 معلقة سمنة
- 2 مرقة دجاج
- رشة ملح
طريقة التحضير
- هنعصج اللحمة نشوح البصل والتوم والفلفل ف معلقتين زيت لحد مايدبلو وانزل عليهم باللحمة واقلب لحد ماتفك وتخرز واضيف بهاراتي والملح وبعدها عصير الطماطم والصلصة واسيبهم يستو
- هنكون بنسلق المكرونة ف مية وحبة ملح ومعلقة زيت عشان متلزقش ولما تستوي اصفيها واسيبها ع جنب
- هدوب المرقة والملح ف اللبن ويكون بارد تماما عشان ميكلكعش مني و ف حلة هحط السمنة تسخن واضيف الدقيق بتاعي واقلب لحد ما ياخد لون دهبي بسيط وانزل باللبن وافضل اقلب لحد مايربط انا بحب البشاميل خفيف بيفرق ف الطعم
- هحط نص مقدار البشاميل تقريبا ع المكرونة واقلبهم ف بعض وف صنية مدهونة سمنة هنزل بنص المكرونة بتاعتي واحط ف النص اللحمة واوزعها كويس وعليها جبنة موزاريلا او اي نوع جبنة تاني بيسيح ثم اضيف باقي المكرونة واحط عليها باقي البشاميل
- انا بحط ع الوش جبنة لاني مبفضلش البيض وف فرن شغال نار متوسطة فوق وتحت احطها لحد ماتسيح وتاخد وش واخرجها وبالهنا ولا اروع بشاميل سايح نايح فيها😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد