→ كل الوصفات

مكرونة بشاميل

طريقة عمل مكرونة بشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونة
  • اقل من نص ك لحمه مفرومة
  • ملح وفلفل اسود حسب الرغبة
  • بهارات
  • كوب عصير طماطم او اقطع 2طماطم مكعبات
  • 4 معالق دقيق
  • 4 كوب لبن
  • بابريكا
  • 2 حبه فلفل ألوان اختياري
  • بصله مبشورة
  • سمنه
  • عود قرفه اختياري
  • بيضه
  • كمية جبنه موتزاريلا اختياري
  1. نسلق المكرونة 3/4 سلقه ونحط ف الميا رشه ملح خفيفه ونقطتين زيت
  2. ف طاسه ننزل بالبصله واما تاخد لون انزل باللحمه واعصجها كويس اوي وبعدين انزل بالطماطم واقلب واهدي النار لحد ما شبه تبقي ناشفه خالص
  3. نحط ف طاسه او ف حله مناسبه معلقتين سمنه وانزل بالدقيق لحد ما يتشرب السمنه واقلبه كويس انزل باللبن واحده واحدة واقلب كويس عشان مش تكلكع ولو لقيت فيه كلكعه اضربه ف الخلاط يبقي كده تمام اوي
  4. انزل بنص خليط البشاميل ع المكرونة واقلبهم ف بعض واحط ع النص التاني البيضه ورشه ملح وفلفل عشان البيض والريحه
  5. ادهن الصينيه بسمنه واحط نص المكرونة واحط عليها اللحمه وانزل باقي المكرونة واحط عليها باقي البشاميل وادخلها الفرن اولع من تحت الاول وقبل ما اطلعها خلاص اولع الشوايه احمرها والف هنا
عجبتك الوصفة؟
شوف كل وصفاتنا في مكان واحد
كل الوصفات →