→ كل الوصفات

مكرونة بشاميل 🍜🍽️

النكهة بتجنن ، عملتها بطريقة صحية بزيت زيتون بدل الزبدة و نشاء الذرة بدل الطحين

  • 1/2 كيلو معكرونة ايطالية بالقمح القاسي
  • لصوص البشاميل
  • لتر ونصف حليب
  • 8 ملاعق كبار نشاء الذرة
  • معلقتين زيت الزيتون
  • مكعب مرقة الدجاج
  • الحشوة
  • 1/2 كيلو شيش
  • بصلة كبيرة
  • كمشة بقدونس
  • معلقة ملح
  • ملعقة صغيرة فلفل
  • ملعقة صغيرة هال
  • للوجه
  • 1/2 كيلو جبنة موزاريلا
  • باكيت جبنة فيتا
  • رشة حبة البركة و نعنع وفليفلة حمرا ويمكن الاستغناء عنهم
  1. سلقت المعكرونة و جهزت الحشوة : فرمت البصلة فرم ناعم وحمستها مع زيت زيتون
  2. فرمت الشيش مكعبات صغيرة
  3. ضفت فلفل وملح وهال ومكعبين دجاج لحتى يتحمروا منيح ، بضيف الشيش وبتركن عالغاز لحتى يستوي الشيش
  4. بنفس الطنجرة رفعت الشيش بصحن جانبي، و أضفت الحليب مع نشاء ومكعب ماجي ومعلقتين زيت زيتون مع التحريك المستمر ليتجانس قوام الصوص
  5. أول طبقة مكعرونة وصوص وتاني طبقة شيش وتالت طبقة معكرونة وصوص
  6. رابع طبقة جبنة موزاريلا وجبنة فيتا
  7. عالوجه رشة نعنع وفليفلة حمرا وحبة البركة ويمكن الاستغناء عنهم
  8. عالفرن من فوق وتحت لتتحمر الجبنة
  9. جنبها كواج و معكرونة ببندورة وفتوش
  10. وصحة وهنا 🌹
عجبتك الوصفة؟
شوف كل وصفاتنا في مكان واحد
كل الوصفات →