→ كل الوصفات

مكرونة بكفتة اللحمة

#Hadeer_Ashraf ❤️

  • 1 كيلو لحمة مفرومة
  • 1 حبة بصل كبيرة مبشورة ناعم
  • 1/4 كوب بقدونس مفروم
  • 1 معلقة صغيرة (سبع بهارات - بيكينج بودر)
  • 1/2 معلقة صغيرة فلفل أسود
  • ملح حسب الذوق
  • 1 كيلو عصير طماطم
  • 1 حبة بصل متوسطة متقطعة ناعم
  • 1/2 معلقة صغيرة ثوم مفروم
  • 1/4 كوب زيت
  • 1/2 معلقة صغيرة فلفل أسود
  • 1 معلقة صغيرة سكر
  • رشة شطة وملح حسب الذوق
  1. اول حاجة بنجهز الكفتة.. بنحط البصل والتوابل والبقدونس على اللحمة ونعجنها كويس لحد ما الانسجة تتداخل
  2. بعد كدا نعملها كور على حسب الحجم اللي تحبيه وندخلها التلاجة ترتاح 5 دقايق
  3. في طاسة سخنة على نار عالية بنضيف معلقتين كبار زيت ونسخن الزيت كويس وننزل بالكفتة ونحمرها من كل الجهات وبعدين نخرجها على مناديل مطبخ
  4. بعد كدا بنسلق المكرونة.. في حلة على النار هنضيف ماء ونسيبه يسخن ونضيف عليه رشة ملح كبيرة وننزل بالمكرونة ونسلقها ونقلبها من وقت للتاني عشان متلزقش ف بعض
  5. هنجهز صلصة المكرونة.. في حلة هنضيف البصل المتقطع وعليه الزيت ورشة ملح ونقلبه لحد ما يبقا لونه دهبي بسيط
  6. بعد كدا ننزل بعصير الطماطم وعليه الملح والفلفل والشطة والثوم المفروم ونقلبهم مع بعض
  7. لما الطماطم تغلي بنهدي النار شوية ونسيبها تغلي 10 دقايق وبعدين نحط الكفتة ونسيبها تغلي كمان 10 دقايق
  8. بعد كدا بننزل بالمكرونة على الصلصة ونقلبها كويس لحد ونسيبها كام دقيقة تمتص الصلصة وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →