→ كل الوصفات
هننافس المطاعم ولا ايه 🤔🤫 استخدمي اي نوع مكرونة و اي كمية تحبيها❤️
المقادير
- كوب مكرونة قلم (او اي نوع) وممكن نزود
- مكعب مرق
- 2 مشروم فريش (او معلب) وممكن نزود
- معلقتين دقيق
- معلقتين زيت (أو معلقة زبد أو معلقة سمن)
- ½ كوب حليب
- ½ كوب ماء سلق المكرونة
- ملعقة صغيرة فلفل اسود
- ملح حسب الرغبة (انا هنا محطتش لاني اكتفيت بملح المرقة)
طريقة التحضير
- نسلق المكرونة ف ماء و نزود له ملح و زيت لحد ما توصل ل ٣\٤ سواها و نصفيها
- في نفس حلة سلق المكرونة هنحط الزيت أو المادة الدهنية اللي تحبيها و نقطع المشروم حلقات أو زي م نحب و نشوحه ف الزيت مع معلقة صغيرة من الفلفل الاسود لحد م يدبل حبة و ياخد لون شبه ذهبي و ننزل عليه بمعلقتين الدقيق و نقلبهم كويس و بعدين ننزل الحليب و نقلب لحد م يختلط كويس جدا بالدقيق و ننزل بعد كده بماء السلق و نقلب و نضيف مكعب المرق و نقلب و ننزل بالمكرونة تكمل ربع سواها ولحد ما نوصل للقوام المناسب لك و بس كده بألف هنا ❤️
- ممكن نزين بكزبرة خضراء او بقدونس او يتقدم كده لو كنتم جعانين اوي زيي 😁❤️ وممكن نشوح خضار مع المشروم، زي الفلفل الرومي، بسلة، كوسة (بس يكونو مستويين علي البخار عشان يفضلوا محافظين علي قرمشتهم) اللي تحبوه و طعم كل الحاجات دي بيبقي جميل و مفيد كمان ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد