→ كل الوصفات

مكرونة دايت بالصوص الأبيض نباتي فيجان صياميpbd بأقل من ٣٠دقيقة

تقريبا نفس طعم المكرونة بالشاميل ومن غير سمنة أو زيت!!☝️😀

  • 1/2 كيلو مكرونة اسباجتي
  • 1/2 كيلو دقيق
  • لبن صويا
  • مشروم
  • جزر
  • فلفل أخضر
  • بصل
  • ثوم
  • ملح
  • فلفل
  • أي نوع توابل آخر زي ما تحبوا
  1. إسلق المكرونة في مياه وصفيها
  2. في طاسة علي جنب...حط البصل والثوم والجزر الفلفل والمشروم علي بعض
  3. وقلبهم كويس مع نص كوب ماء عشان ميلزقوش في الطاسة...لحد ما الجزر يبتدي يبقي طري معاك
  4. الخطوة المهمة بقي...الصوص الابيض...علي نار هادئة خالص ، هتحط الدقيق وتنزل عليه باللبن واحدة واحدة ،مع تقليب مستمر
  5. التقليب المستمر مهم قوي عشان الصوص ميكلكعش منك...وتفضل تزوّد لبن لحد ما توصل لقوام زي الكريمة كده
  6. تحط الملح والفلفل علي الصوص وتقلب حبة صغيرين وتطفي النار
  7. تضيف الخضار والمكرونة علي الصوص الابيض وتقلب الكلام ده كله مع بعضه وبالهنا والشفا 👌😀
عجبتك الوصفة؟
شوف كل وصفاتنا في مكان واحد
كل الوصفات →