→ كل الوصفات
طريقة عمل مكرونة فراخ بالوايت صوص والريكفورد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو مكرونة حلزونية أو اسباجتي
- ½ كيلو حليب
- كيس بشاميل جاهز من كينوود بالرومي روعة
- قطعة جبنة ريكفورد أو علي حسب الرغبة
- من 2 ل 4 قطعة بانيه
- بصلة متوسطة
- فلفل علي حسب الرغبة
- ملح وفلفل اسود
طريقة التحضير
- هنسلق المكرونة ونسيبها علي جنب
- في هذه الأثناء هنحط طاسة فيها شوية زيت او قطعة زبدة علي النار ولما تسخن ننزل بالبصل ومجرد ما يدبل ننزل بالبانيه بعد ما نقطعة مكعبات أو شرائح بالطول حسب الرغبة ولما يستوي نحط علي الفلفل الالوان أو الاخضر حسب الرغبة وبعدين نحط الملح والفلفل الأسود
- هنعمل البشاميل نحط اللبن وعليه نصف لتر ماء وعليهم كيس البشاميل الجاهز ونقلب علي البارد وبعدين نرفعهم علي الناس وتقبلهم بالمضرب اليدوي لحد ما القوام يتقل
- نضيف الجبنة الريكفورد في البشاميل ولما تختفي هنضيف المكرونة والفراخ ونقلبهم لو قوام البشاميل تقل اوي نضيف شويه مياه صغيرين من بتاعت المكرونة هتديله طعم
- هنسيبهم علي النار من 3 ل 5 دقائق لحد ما المكونات كلها تتجانس وبعدين نحطها في طبق التقديم وعليها رشة جبنة لو عاوزين أو رشة بقدونس حسب الرغبة وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد