→ كل الوصفات
#مريولي_باسمي #مكرونة_فراشات #صدور_دجاج اللهم صلّ وسلّم وبارك علـى سيّدنا محمد، حبيـت نشـارك معاكـم اليـوم ضمــن تحدي مريولي بإسمي، مكرونة فراشات/ فرفالي بالصلصة الحمراء مع ربع صدر دجاج مفروم، بزاف بنينة 😋👌🏻😋، نتمنى تعجبكم الطريقة🥰، أمسية هادئة أحبتــــي💐💖💐.
المقادير
- 400 غ مكرونة استعملت شكل فراشات/ فرفالي
- ملعقة صغيرة ملح
- ماء للسلق
- 1 ملعقة صغيرة زبدة
- 2 ملاعق كبار زيت
- حبة بصلة صغيرة
- 3 سنينات ثوم مرابي
- 1/4 صدر دجاج مقروم
- 1 ملعقة صغيرة طماطم مصبرة
- 2 حبات طماطم متوسطة مفرومة
- الملح حسب الذوق
- 1 ملعقة صغيرة فلفلة حمرة (بابريكا)
- على راس الملعقة الصغيرة فلفل أسود
- 1/4 ملعقة صغيرة كركم
- حوالي كاس من ماء سلق المكرونة
- 2 ملاعق كبار جبن مبشور
طريقة التحضير
- نبدأ على بركة الله، حطيت المكرونة (استعملت شكل فراشات/ فرفالي) تتسلق في كمية من الماء ضفت عليها الملح وورقة رند وخليتها تنسلق بنسبة 80 %. ملاحظة مهمة: ✔الوقت اللي كنت نحضر فيه الصلصة كان المقرون يتسلق
- في مقلاة نحط الزبدة و الزيت نخليه يسخن نضيف عليه البصلة مقطعة رقيق (طحمتها في الأشوار) خليتها تذبال، ثم ضفت عليها الثوم مرابي خليتها تتقلى حتى هي
- ثم ضفت ربع صدر دجاج مفروم قليتو شوية وضفت الطماطم المصبرة
- خلطت الكل جيدا دائما على نار متوسطة إلى هادئة وفي الأخير ضفت الطماطم مفرومة او مرابية خلطت الكل جيدا، ضفت عليها حوالي كاس من ماء سلق المكرونة، وخليتها طيب مليح
- ثم ضفت التوابل (الملح، الفلفل الأحمر، الكركم، الفلفل الأسود). فرغت المكرونة اللي سلقتها وصفيتها من الماء على الصلصة،
- خلطت الكل جيدا حتى انساجمت كل المكونات خليتو فوق النار مدة 5 دقائق وضفت من فوق الجبن المبشور
- غطيت على المقلاة وخليت الجبن يذوب وطفيت عليها
- وقدّمتو بألف صحة وهنا 😋😋👌🏻😋😋 بزاف بنينة وشهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد