→ كل الوصفات
#المطبخ_العربى_الاقوى
المقادير
- علبه 350 جرام لازانيا او حسب الموجود
- 0.5 كيلو لحمة مفرومه
- كيلو لبن وممكن نحتاج نزود
- 3 معالق كبار دقيق
- ملح وفلفل اسود
- مكعب مرقه
- 1 بصله مقطعة صغير
- 2 عود قرفه
- حبتين حبهان
- رشة قرفه باودر
- رشة توم باودر
- رشة بصل باودر
- رشة جوزة الطيب
- للبشاميل
- 3 معالق كبار دقيق
- مكعب ماجي
- رشة فلفل اسود
- 200 جرام جبنة موتزاريلا
- معلقة كبيرة كاتشاب او عصير طماطمتين مضروبين في الخلاط
- 1 بيضة
- قطعة زبدة
- زيت
- 0.5 معلقه صغيره بهارات لحمه
- فصين ثوم مفرومين
- معلقتين كبار صلصة
طريقة التحضير
- نحضر معصج اللحمه المفرومه ننزل فص الثوم المفروم والبصل بمكعب زبدة يصفرو وننزل عود القرفه والحبهان وبعدين ننزل اللحمه المفرومه ونقلب
- نحط التوابل ورشة جوزة الطيب ومكعب مرقه ورشة ملح حسب كمية اللحمه نظبط الطعم ونضيف معلقتين صلصه ومعلقة كاتشاب او عصير طماطمتين مضروبين في الخلاط ودة اختياري ممكن تعمليه معصج سادة بس بتكون حلوة بردوة تستوى نسبها على جنب
- نحضر اللازانيا هنسلقها نص سلقه نحضر في طبق صغير زيت وفرشه لدهان اللازانيا نحك اول حاجه على النار صينية مساحتها كبيرة شوية فيها ماية وملح وزيت تغلى ننزل اللازانيا واحدة واحدة بعد ماندهن كل واحدة بفرشة زيت يادوب نمشى الزيت وش وضهر وننزلها في الصينية تتسلق
- للبشاميل: نحط زبدة او سمنه على النار و3 معالق كبار دقيق نقلب اول مايبقى لونه دهبي فاتح ننزل اللبن ونقلب كويس ونحط مكعب ماجى ورشة فلفل اسود يتقل القوام ونظبط الطعم نطلعه من على النار نسيبه يهدى شوية وننزل بيضه عليه ونقلب بسرعه وكويس لحد ما تختفى فاي لبشاميل ونضيف رشة فلفل اسود كمان للبيضه
- اللازانيا اول مالونها يتغير وتطرى نص سوا دقيقه بس او 2 عالنار ونشيل ونحطها في ماية ساقعه ونرص فالصنية ونكون محضرين البشاميل على جنب نحط في ارضية الصينية كام ملعقة بشاميل ونرص اللازانيا اول طبقه وبعدين نحط اللحمه المفرومه ورشة كبيرة موتزاريلا
- ونحط معلقتين كبار بشاميل ونكرر نفس الخطوات واخر طبقه نحط البشاميل وعلى الوجه موتزاريلا وقطعه صغيرة زبدة وتدخل نار وسط نص ساعه في الرف اللى في الوسط وبعدين نفتح الشواية الوش ياخد لون وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد