→ كل الوصفات
هي النية كانت إنها تبقي مكرونة بالشاميل...بس الدنيا عكت في النص وبقت مكرونة بالوايت صوص 😄😄☝️
المقادير
- 0.25 كيلو مكرونة
- 0.25 كيلو فراخ (صدور أو رواك)
- دقيق أبيض
- لبن
- مشروم
- طماطم
- بصل
- ثوم
- ملح
- فلفل
- بقدونس
- حبهان
- زبدة صفراء أو سمنة
- زيت
طريقة التحضير
- تسلق المكرونة وتصفيها علي جنب
- في شوية زيت ،تنزل بالبصل والثوم وتستني تشم ريحة حلوة
- وهوب علي طول تنزل بالفراخ والمشروم والحبهان
- أول ما الفراخ يبتدي لونها يقلب ،تروح نازل بالطماطم عليها
- أول ما الطماطم تبتدي تغلي...تروح حاطط الملح والفلفل الأسمر والبقدونس
- وتسيب الكلام ده يغلي ويستوي
- نيجي بقي للصوص الأبيض (أو اللي كان بشاميل 😄😄)...أولاّ تنزل بالزبدة الصفراء علي نار هادئة
- وبعديها تنزل بالدقيق وتقلب...وراهم تبدأ تنزل باللبن واحدة واحدة وتقلب مع الملح والفلفل
- وتفضل تقلب لحد ما الميكس ده يبقي زي الكريمة...وتطفي النار
- تجيب المكرونة وتنزل بيها في الصوص الأبيض
- وتفرش المكرونة كطبقة متساوية في البايركس الشفافة
- فوق المكرونة ، تفرش الخلطة بتاعة الفراخ والمشروم كطبقة متساوية
- تاخد البايركس ده وتدخله الفرن عشان الوش ياخد قشرة ناشفة كده وتستلذ وإنت بتاكل 😋...وبالهنا والشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد