→ كل الوصفات

مكرونة نجرسكو

أكلة إيطالية مشهورة #صدقة_جارية #الأحد #الشيف_الذهبي #باستا

  • 1/2 كيلو لكيلو الا ربع مكرونة مسلوقة
  • ميكس جبن موزاريلا وشيدر (حسب الرغبه)
  • 1/2 ك صدور فراخ مكعبات او قطع صغيرة
  • ملح وفلفل اسود حسب الرغبه
  • م ص بهارات فراخ او متنوعة
  • 1/2 م ص توم مفروم
  • بصلة متوسطة مفرومة
  • 2 فلفل اخضر مكعبات صغيره
  • 1/4 كوب زيتون اسود شرائح (اختياري)
  • 3 م ك زبدة
  • 3 م ك دقيق
  • 1/2 (3 كوب) حليب قابل للنقصان ع حسب قوام طلع معاكي ازاي
  • ملح وفلفل حسب الرغبه
  • رشة قرفة
  1. هنجيب طاسة نحط فيها زيت وبعدين نشوح الفراخ لحد ماتنضج ونحط عليها الملح والفلفل وبهارات الفراخ وبابريكا و نقلبهم
  2. بعدين هنحط الثوم والبصل المفرومين وفلفل رومي ونقلب لحد ماينضجوا وبعدين نحط زيتون الاسود ونقلب ونقفل عليها
  3. نعمل بقى البشاميل : في حلة على نار هنحط الزبدة ولما تسيح هنحط الدقيق ونقلب عليهم كويس لحد مايبقوا كريمي لونه دهب
  4. ننزل بالحليب بالتدريج مع تقليب المستمر لحد مانوصل للقوام المطلوب ونحط الملح والفلفل ورشه القرفه ونقلب هتغلي نقفل عليه
  5. في طاسه اللي عاملين فيها الفراخ هنحط المعكرونة المسلوقة ونخلطهم ببعض وعليهم معلقتين كبار بشاميل ونقلب
  6. وفي طاجن او بايركس هنحط طبقه بشاميل خفيفه الاول وبعدين نحط المعكرونه بالفراخ ونوزعها في البايركس ونرش رشه خفيفه بشاميل وبعدين نحط الجبن وبعدين نحط باقي البشامبل ونغطي الوجه كله بيها وبعدين نحط الجبن تاني ونوزعها على الوجه كويس ونحطها في فرن ساخن لمدة ٢٥ دقيقة تقريبا على ٢٠٠° تستوي وتأخذ لون وبألف هنا⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →