→ كل الوصفات

مكرونة نجرسكو

#مكرونة رهيبه لعشاق البشاميل الخفيف 😘😘

  • علبة مكرونة مسلوقة بملح
  • 1 فلفل رومي مقطع مكعبات
  • 1 طماطم وشطة حراق مقطع مكعبات
  • 1 بصلة مقطع مكعبات وزيتون
  • قرن شطة
  • مكعبات زيتون كله مقطع
  • مكعبات فراخ مخليه صدور مقطع
  • ملح وفلفل اسود
  • جنزبيل وحبهان وكمون
  • علبة زبادي
  • رشة بودرة توم وبصل بودر
  • للبشاميل
  • 2 م سمن
  • 3 معالق دقيق
  • 1 م زيت
  • رشة جوز الطيب
  • مكعب مرق
  1. بعد مانسلق المكرونة نحطها على جنب ونتبل الفراخ المقطعة بالبهار وزبادى وشوية خل صغيرين وحبهان وملح وفلفل وكمون وجنزبيل وبودرة بصل وبودرة توم
  2. نسيب الفراخ فالتتبيله عما نقطع البصل والطماطم والفلفل الحار والرومى والزيتون كله مكعبات
  3. نجيب مقلاه فيها شوية زيت وننزل الفراخ 10 دقايق ونضيف الخضار المقطع ونضيف ١\٤كوب ماية ونغطى لحد ماتستوى ونحطها على جنب
  4. فحلة نحط السمن والزيت يسخن نضيف الدقيق ونقلب وننزل باللبن ورشة ملح وفلفل وجوزة الطيب ونبشر مكعب المرق
  5. نزود ماية ونقلب بسرعة عشان ميكلكعش ونفس الوقت بيبقى طعم البشاميل الجاهز
  6. ندهن صينية البايركس زيت وناخد معلقتين بشاميل نخلطهم بالمكرونة ونخلط معاهم الفراخ ونحط طبقة البشاميل ونرش جبنه مونزريلا أو رومى وشيدر حسب المتوفر
  7. ندخلها الفرن لحد ما الوش يحمر ع180
عجبتك الوصفة؟
شوف كل وصفاتنا في مكان واحد
كل الوصفات →