→ كل الوصفات
#مكرونة #وايت_صوص #جمبري #صينية_مكرونة
المقادير
- ½ كيلو جمبري
- كيس مكرونة ريچينا
- ½ كوب كريمة طبخ
- ½ كوب مكس جبن
- كوب موتزاريلا
- بصلة مبشورة ناعم
- 3 فصوص توم مبشور
- حتة زبدة اد صوباعين
- معلقتين زيت دوار شمس
طريقة التحضير
- فى حلة كبيرة يفضل غير لاصقة نسخن الزيت و نحط عليه الزبدة تسيح ،و نحمر البصل
- ننزل عالبصل بالتوم والجمبري و نشوحهم مع بعض
- فى الوقت دا نكون مجهزين لترين مية مغلية نحط منها لتر على الجمبري بعد ما ياخد لون وردي ويدخل فى السوا
- بعد ما الجمبري والصوص يغلوا هننزل عليهم بالمكرونة "هنسلقها فى صوص الجمبري"
- نزود المية بحيث تكون متغطية المكرونة
- نظبط الملح والفلفل و نغطي ونوطي خالص.ونسيبها ربع ساعة
- ننزل عليها بكريمة الطبخ و نقلب كويس. "نزود او نقلل كريمة الطبخ بحسب الرغبة"
- ونضيف مكس الجبن ونغليها غلوة
- ممكن تتاكل كدا على طول
- او نحطها فى صينية و على وشها موتزاريلا. وبألف هنا 😋
- دعوة حلوة بءا اني اختم حفظ القرآن.. ❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد