→ كل الوصفات
#وصفتى_الاولى
المقادير
- 1/2 كيلو مكرونة قلم مسلوقة
- 1/2 كيلو بانيه مقطع مكعبات
- 2 بصلة مقطعة حلقات رفيعة
- ملح وفلفل اسود حسب الرغبة
- بابريكا
- زنجبيل
- قرفة
- شطة
- لعمل البشاميل او الصوص الابيض
- لتر حليب
- 4 معالق كبيرة ممتلئة زبدة
- 4 معالق كبيرة دقيق
- مكعب مرقة
- ملح وفلفل اسود
- بهارات
- ورق لورا
- رشة جوزة الطيب
- 1/2 فنجان صويا صوص وده اختيارى
طريقة التحضير
- اول حاجة هنغسل البانيه كويس وننقعه فى ماء وملح وليمون نصف ساعة وبعدين نغسله بالماء
- فى وعاء على النار نضع السمنة ثم 3/4 كمية البصل ونشوحه حتى يصفر لونه
- وبعد ما يصفر هننزل بالفراخ ونقلب كويس لحد ما لونها يكون ابيض
- نضيف التوابل والصويا صوص على الفراخ وقرب ما تستوى هنضيف باقى البصل ونقلب لحد ما البصل يدبل والفراخ تستوى ونرفعه من على النار
- وفى اثناء تسوية الفراخ هنحضر البشاميل بوضع الزبدة فى اناء على النار لحد ما تسخن كويس
- وبعدين نضيف االدقيق ونقلب كويس لحد ما نشم رائحة تحميص الدقيق مع الاحتفاظ بلونه فاتح
- نضيف الحليب ويمكن اضافة قشطة من على وش الحليب ونضيف كمان التوابل ومكعب المرقة
- نقلب كويس لحد مايبقى البشاميل متوسط القوام لا تقيل ولا خفيف
- نقلب البشاميل مع المكرونة لحد ماتبقى غرقانة بالبشاميل وممكن نقلب الفراخ مع المكرونة وممكن تبقى الفراخ فى الطبق بجانب الفراخ.. وبألف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد