→ كل الوصفات

مكرونه أسباجتي بالفراخ مع صوص الباربيكيو 😋💓

وصفه المكرونه دي بجد وهميه طعم الفراخ مع صوص الباربيكيو روعه بجد👌 بتحضريها في نص ساعة🕞 بس وجبه غداء سهله وبسيطة جنب طبق سلطة ومخلل وتكوني انجزتي وخلصتي في الحر الجميل ده😂🤩

  • 1 كيس مكرونه أسباجتي
  • 1/2 كيلو صدور فراخ مقطعة مكعبات
  • 1 بصلة كبيرة مبشورة
  • 1/2 ملعقة صغيرة ثوم مهروس
  • 1 ملعقة صغيره ملح
  • 1/2 ملعقة صغيرة فلفل اسود
  • 1/2 ملعقة صغيرة بابريكا
  • 1/2 ملعقة صغيرة بهارات فراخ
  • 3 ملاعق كبيرة صوص باربيكيو
  • 1 ملعقة كبيرة ذبده
  • 2 ملعقة كبيرة زيت
  • 1/2 كوب ماء
  1. أولاً اسلقي المكرونه في حله فيها ماء مغلي مضاف إليها ملعقه من الملح و2ملعقه من الزيت واسلقيها لمده 10 دقائق وصفيها من الماء بعد كده😍
  2. جيبي مقلايه وحوطيها على النار وحوطي فيها الزيت والذبدة ولما تسخن حوطي الفراخ وطبعاً إنتي غسلاها كويس ومصفياها من الماء وبعد كدة حوطي على الفراخ الملح والفلفل والبابريكا وبهارات الفراخ وقلبيهم مع بعض كويس 😍
  3. ضيفي بعد كده البصل والثوم وقلبيهم وبعدين هدى النار على الفراخ وحوطي 1/2كوب ماء وغطى الحله وسيبيهم مع بعض لحد لما الفراخ تتشرب كل الميه😍
  4. حوطي بعد كدة صوص الباربيكيو وقلبيهم مع بعض وقدمي بئا المكرونه مع الفراخ وأستمتعي بالطعم التحفة بجد روعة 👌🤩جربيها هتعجبك أوي وبالعافيه عليكى حبيبتي 😘💓💞🌹
عجبتك الوصفة؟
شوف كل وصفاتنا في مكان واحد
كل الوصفات →