→ كل الوصفات

مكرونه بالباذنجان والبطاطس

اكله سهله وسريعه وطعمها جميل ويعشقها الأطفال

  • كيسين مكرونه (النوع المفضل ليكم)
  • كميه مناسبه من مكعبات البطاطس
  • حبة باذنجان مقطعه مكعبات
  • ملح وفلفل اسود حسب الرغبة
  • مكعب ماجى
  • قرن فلفل أخضر حار(ممكن استبداله بفلفل رومى بارد)
  • ملعقتين صلصة طماطم
  • مكعبات طماطم
  • ملعقه كبيره خل
  • عصرة ليمون
  • 2 حبة بصل وسط مقطعين مكعبات
  • زيت
  1. تسلق المكرونه في ماء به زيت
  2. تشوح مكعبات البصل وقطع الفلفل الحار في حله على النار بشوية زيت لحد ما لونها يصفر
  3. أضيف مكعبات البطاطس وتتشوح لمدة دقيقتين مع البصل
  4. أضيف ملعقة الخل وعصرة الليمونه وبعدين اضيف الصلصه وكوبين ماء ومكعبات الطماطم
  5. تترك على النار شويه وقبل ما تستوى البطاطس اضيف مكعبات الباذنجان وتقلب المكونات جيدا
  6. أضيف الملح والفلفل ومكعب الماجى وبعد ما المكونات تستوى اصفى المكرونه وتغسل بماء بارد وتصفا جيدا وتضاف في الصلصه بالخضار وتقلب
  7. تقدم ساخنه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →