→ كل الوصفات
طريقة عمل مكرونه بالبشاميل باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو معكرونه, اقلام مشطوفه
- 0.5 كيلو لحمه, مفرومه,متعصجه, وهتلاقوا في وصفاتي ازاى بنعصج اللحمه
- لعمل البشاميل
- كوبين لبن, ويفضل يكون لبن بودره بيدي طعم احلى
- كوب مرقه او مايه عادي
- 0.5 كوب كريمه لباني, لو موجود, مش موجود عادي بلاشها
- 0.5 كوب جبنه موزاريلا, لو موجوده مش موجوده بلاش عادي
- 5 معالق سمنه
- 5 معالق دقيق
- مكعب مرقه
- 1 بيضه
- رشه ملح
- رشه فلفل, ابيض او اسود عادي
طريقة التحضير
- هنسلق المعكرونه في مايه ومعلقه ملح ومعلقه زيت وبعدين نطلعها نصفيها
- هنكون معصجين اللحمه المفرومه وطريقتها في وصفاتي
- هنبدأ نعمل البشاميل, هنجيب حله نحط فيها السمنه لحد ما تسخن وننزل بالدقيق بعدها
- هنحمر الدقيق شويه لحد ما لونه يبقا ذهبي شويه وناخذ بالنا احسن يتحرق
- هننزل بكبايه لبن ونضرب بالمضرب اليدوي ونوطى النار
- وبعدين هننزل بكبايه اللبن التانيه ونقلب. وهنلاقي القوام بدأ يبقى تقيل, نقلب بسرعه بردوا علشان مايكلكعش
- هنحط الكريمه اللباني لو موجوده ونحط كوب الشوربه او نحط مياه ومكعب المرقه لحد ما القوام يبدأ يفك شويه ويبقى متجانس. وطبعا كل دا واحنا بنضرب فيه بالمضرب ولو عندنا موزاريلا نحطها, لو مفيش خلاص
- هنجيب البيضه, نفصل الصفار والبياض هنحط البياض في البشاميل ورشه الملح وندوق, نظبط الملح ورشه الفلفل الاسود
- ونقلب كويس طيب, لو كلكع مننا نعمل ايه, هنضربه فالخلاط
- كدا نجيب حله تانيه, نحط فيها المعكرونه ونص كميه البشاميل او تلت اربعها ونقلب المكرونه. ونحط شويه من اللحمه المفرومه المعصجه ونقلبهم مع بعض
- نجيب صينيه ندهنها بشاميل ونحط نص كميه المعكرونه وبعدها باقي اللحمه وبعدين باقي المكرونه
- نحط باقي البشاميل على الوش ونساويه بمعلقه
- نضرب الصفار بشوكه. ونحط رشه فلفل اسود او ابيض علشان الزفاره
- ندهن البشاميل من فوق بالصفار
- ممكن نحط على الوش جبنه موزاريلا لو موجوده
- ندخلها الفرن من ٢٠ ل ٣٠ دقيقه على حسب فرنك
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد