→ كل الوصفات
مفيش اسهل من المكرونه ولا اطعم منها جربوا الوصفه السريعه دي وسهله جدا وادعولي
المقادير
- دقيق
- زبده او زيت
- لبن
- مكرونه اقلام
- ملح وفلفل
- جبنه موتزريلا
طريقة التحضير
- اول حاجه هاتي حله وحطي فيها مايه وسيبيها تغلي ع النار او حطي ف البراد مايه واغليها لوحدها الاول اسهل واسرع وبعد ما المايه تغلي حطي شويه ملح وحطي المعكرونه وسيبيها لحد ما تستوي وتتسلق كويس
- هاتي مصفاه وصفي المكرونه وسيبيها ع جنب تصفي براحتها وتبرد شويه
- نيجي بقي للباشاميل نحط الزيد او الزبده ف حله لحد ما تسيح الزبده ونحط الدقيق ونقلب كويس جدا وبعدين نحط اللبن شويه شويه واحنا بنقلب حتي لو كلكعت اوعي تقلقي قومي حطاهم ف الخلاط او بالمضرب واضربي فثواني هيروح الكلكعه وشويه ملح وفلفل صغيرين وسيبيها 3دقايق ع النار مع التقليب
- هنجيب صنيه ندعكها بشويه زيت ونحط المكرونه اللي كنا سيبنها ع جنب وفوقها البشاميل وع وجهها الجبنه الموتزريلا وبعدين حطيها ف الفرن من تحت 10دقايق كده ومن فوق قيمه 5دقايق وبالهنا والشفا😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد