→ كل الوصفات
طريقة عمل مكرونه بالسجق والجبن مفيش الذ من كده 👌👩🍳😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- مكرونه اي نوع تحبيه انا استخدمت فوتشيني
- سجق
- 1/2 كوب كريمه لباني لو مش متاح مش مشكله
- 4 م ك دقيق
- 4 م ك زبده
- 2 كوب لبن كبير
- ملح وفلفل
- واحده ورقه لورا
- 3 فصوص حبهان
- بصلايه متوسطه هنقطعها صغير اوووي
طريقة التحضير
- نجيب حله نحط فيها مايه وورق اللورا والحبهان واول لما تغلي نحط فيها السجق بطوله
- وبعدين اول لما السجق ياخد غلوه نقفل ع الحله ونصفي السجق وناخده ف طبق لوحده يبرد براحته
- هنسلق المكرونه مع الملح والزيت الطبيعي يعني ونركنها ع جمب بعد ما تتسلق وهيا متصفيه طبعا من المايه
- بعد ما السجق يبرد براحته هنقطعه قطع صغيره ونسيبه ع جمب
- هنجيب طاسه وهنحط فيها السجق من غير اي اضافات لا زيت ولا سمنه ومش هنستني لما يسخن هنزل عليه البصلايه المتقطعه وافضل ااقلبهم سوا لحد ما البصلايه تصفر واقفل عليهم واشيلهم ع جمب
- ف حله تانيه بقه هحط الزبده تسيح وبعدين الدقيق واقلبهم سوا لحد ما الدقيق يتماسك معاها وبعدين هضيف اللبن شويه ف شويه وانا بقلب المهم مسبوش خالص لازم افضل ااقلب وبعدين الكريمه اللباني واقلب والجبنه النستو والشيدر والرومي وااقلب كويس لحد ما الخليط يبقي كريمي كده مش تقيل ومش خفيف اوي وكل ده انا موطيه ع النار وبعدين الملح والفلفل وبعدين شويه جبنه موتزاريلا وااقلب وبعدين انزل بالسجق مع البصل ال عملتهم سوا وااقلب وبعدين انزل بالمكرونه وااقلبهم سوا واسيبهم تاخد غلوه معاهم علشان تتشرب الجبن واقفلي النار
- وبعدين هنكون مجهزين اي حاجه تدخل الفرن بايركس او اي حاجه متاحه عندك ونقلب الحله كلها فيها وع الوش بقه نرش موتزاريلا وندخلها الفرن تاخد وش جميل وتطلع والف هنا..😋😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد