→ كل الوصفات
اكله سريعه ومكوناتها دايما متوفره في البيت
المقادير
- 1/2 كيلو مكرونه اي نوع (مقصوصه / نجمه / ورده/ صدفه / اقلام)
- 1/2 كيلو طماطم مضروب او 3 مغرفه من صلصه متخزنه (في وصفاتي)
- 1 فص توم مفروم
- 2 ملعقه سمنه
- 2 ملعقه زيت
- ملح
- بهارات
- فلفل اسمر
طريقة التحضير
- هانحط حله ميه تغلي على النار وفيها معلقه كبيره ملح ومعلقه زيت
- هانحط معلقه زيت في حله ومعاها معلقتين السمنه ولما يقدحو نحط فص التوم المفروم ونقلب لحد ما يصفر بس وننزل بالطماطم او الصلصه
- في حاله الطماطم هانسيبها تتسبك عادي وبعدين نحط الملح والبهارات والفلفل لو الصلصه هانحطها على السمنه والملح والفلفل نفس الوقت ومش هتاخد 10 دقايق على النار لانها اصلا متسبكه
- نرجع للميه المغليه لما تقلب هاننزل بالمكرونه وكل دقيقتين نقلبها يالمعلقه علشان ماتلزقش في بعض
- لما تدخل على سوا نطفي عليها ونغطي ونسيبها في الميه حوالي 3 او 4 دقايق
- بعدين هانصفيها ونغسلها بميه من الحنفيه عادي. ولما تتصفي كويس
- تكون الضلصه على النار وننزل عليها بالمكرونه ونقلب
- نقلب لحد ما الصلصه تغطي المكرونه كلها ونسيبها يالظبط 5 دقايق وبعدين نطفي عليها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد