→ كل الوصفات
المكرونه باللبن من الوصفات السهله واللذيذة وانا ضفت ليها كاسترد بجد مديها طعم روعه جربيها اول مره أجربها بس طلعت تحفه🤩👌
المقادير
- 1 كيس مكرونه النوع اللي تحبيه 400 جرام
- 1 لتر لبن حليب
- 1 كيس كريم شانتي
- 3 ملاعق كبيرة كاسترد
- 1/2 كوب سكر
- 1 كيس فانيلا
طريقة التحضير
- أولاً نسلق المكرونه في حله فيها ماء مغلي مضاف إليه ملعقتين زيت وبعد لما تتسلق صفيها من الماء وحوطيها في الحلة تاني😍
- ضيفي على المكرونه بعد كده اللبن الحليب والسكر وكيس الكريم شانتي والفانيلا وسيبيهم يغلوا مع بعض شويه على نار هاديه 😍
- جيبي كوب فيه 1/2 كوب ماء وضيفي ليه الكاسترد وقلبيهم مع بعض وضيفي الكاسترد للمكرونه وقلبيهم كويس وبعدين أقفلي النار عليهم 😍
- جيبي صينيه وأدهنيها ذبده أو سمنه وبعد كده حوطي فيها المكرونه وبعدين سيبيها 10 دقائق تبرد وبعد كده دخليها الفرن وحوطيها تحت الشوايه تاخد لون ذهبي حلو وخرجيها بعد كده من الفرن😍
- بعد لما تبرد خالص قطعيها وقدميها بعد كدة بجد حلوة اوي وطعم الكاسترد مع المكرونه جميل جداً👌 يالا بئا جربيها وقوليلي رأيك وبالعافيه عليكى حبيبتي 😘🤗❤️💋🌹
- ملحوظه: ممكن تضيفي بدل الكاسترد نشا لو مش متوفر عندك بس بصراحه الكاسترد مديها طعم حلو اوي وممكن تحوطي مكسرات عليها وزبيب لو متوفر عندك😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد