→ كل الوصفات

مكرونه بالوايت صوص في الفرن

طريقة عمل مكرونه بالوايت صوص في الفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مكرونه اقلام مسلوقه
  • 0.5 كيلو فراخ بانيه
  • بشاميل خفيف
  • زيتون
  • موتزريلا
  1. اول حاجه بنغسل البانيه كويس ونقطعه مكعبات ونجيب صينيه او طاسه ونحط شويه زيت ويسخن ننزل عليه بالفراخ تتشوح وبعدين ننزل عليه ببصله وسط متقطعه مكبات وفلفل اخضر او الوان متقطع مكعبات ونقلب وبعدين نحط توابل (ملح فلفل اسود بابريكا زعتر)
  2. نقلب ونحط فنجان مياه ونقلب لحد ما الفراخ تستوي حلو وبس نشلها من على النار ونحط عليها المكرونه المسلوقه ونحط عليهم معلقتين صلصله ونقلب
  3. ونكون عملنا البشاميل الخفيف نحط ٣ معالق سمنه و٣ دقيق وبعدين ننزل بكيلو لبن ونحط مكعب ماجي ونظبط ملح والفلفل اسود ولما القوام يظبط نحط جبنه موتزريلا ونقلبهم علشان تسيح جواها يمي 😋 ولو تقل منك زودي لبن
  4. وبعدين نجيب صينيه بايركس ونحط ونخلط المكرونه مع الفراخ وننزل عليهم بالبشاميل ونقلبهم سوا علشان يبقي كلها متغرقه بشاميل ونحط باقي البشاميل على الوش ونحط زيتون وجبنه موتزريلا
  5. وندخلها الفرن لحد ما الجبنه تسيح ونشغل الشوايه تاخد لون بالف هنا و تتاكل سخنه 👍👌
عجبتك الوصفة؟
شوف كل وصفاتنا في مكان واحد
كل الوصفات →