→ كل الوصفات
طريقة عمل مكرونه بالوايت صوص والكبده 😋♥️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كيلو مكرونه اي نوع
- ½ كيلو كبده بلدي
- 2 بصله كبيره متقطعه شرايح
- 4 حبات فلفل اخضر او الوان
- 2 معلقه كبيره سمنه
- 4 معالق كبار دقيق
- 1 كيلو لبن
- ملح
- فلفل اسود واي بهارات تانيه حسب الرغبه
طريقة التحضير
- هنسلق المكرونه في ميه و ملح و نصفيها كويس و نسيبها
- نبدأ نجهز الصوص هنحط السمنه في حله ع نار متوسطه و نحط الدقيق لحد ما يبدا ياخد لون نضيف اللبن و نقلب كويس بالمضرب لحد ما يوصل للقوام المناسب و نضيف الملح و البهارات
- و بعدين الكبده هنشوح البصل في الزيت لحد ما يدبل بس و بعدين ننزل بالكبده و اول ما تبدأ تستوي ننزل بالفلفل الأخضر و نضيف الملح و البهارات و يستحسن متاخدش وقت كتير ع النار علشان الكبده متنشفش
- اخر حاجه التقديم بنحط في طبق المكرونه و عليها الصوص و عليهم الكبده و بالف هنا 😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد