→ كل الوصفات

مكرونه بالوايت صوص والمشروم وبانيه

طريقة عمل مكرونه بالوايت صوص والمشروم وبانيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 ك مكرونه
  • 1/2 ك بانيه
  • 2 كوب لبن
  • 3 معالق دقيق
  • علبه صغيرة قشطة بديل الكريمة اللباني
  • 1/4 ك مشروم
  • 3 معالق زبدة
  • ملح وفلفل اسود حسب الرغبة
  • ملعقة صغيرة كركم
  • كوب زبادي
  • 1/8 جبنه رومي
  • 1/2 معلقه توم بودرة
  • بصله
  1. نفرم البصله ونحط عليه رشة ملح وفلفل وكركم وكوب زبادي ونتبل الفراخ ونحطها في التلاجة ساعه
  2. نجيب حلة ونحط فيها مايه ونسيبها لحد ماتغلي وننزل بالمكرونه ونحط معلقه زيت ورشة ملح لحد ماتتسلق
  3. نجيب حله ونحط فيها 3معالق زبدة وبعدين المشروم ونشوحه كويس وبعدين نحط الدقيق ونقلبه دقتين وننزل بكوبايتين اللبن وبعدين علبه القشطة والجبنه الرومي ونحط عليهم رشة ملح وفلفل وتوم بودرة ونفضل نقلب لحد ما قوامهم يبقى مناسب (مش خفيف ومش تقيل)
  4. بعد مانطلع الفراخ ندهن الشواية شوية زيت ونحط البانيه ونقلبه لحد مايستوي تماما
  5. بعد كدة نطلع المكرونه وعليها الصوص بتاعها بالمشروم وعليهم جبنه رومي للتزيين وممكن نقطع فوقها الفراخ وممكن تبقى لوحدها
  6. بتتقدم مع بطاطس محمرة وسلطة
  7. وبألف هنا وشفا وبعتذر عن التصوير 😂♥️♥️
عجبتك الوصفة؟
شوف كل وصفاتنا في مكان واحد
كل الوصفات →