→ كل الوصفات

مكرونه بشاميل بالفراخ على طريقتي🍝

طريقة عمل مكرونه بشاميل بالفراخ على طريقتي🍝 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 معالق دقيق
  • معلقتين سمنه
  • لتر لبن
  • بيضه
  • ملح
  • فلفل
  • 1 ماجي
  • رشه جوزة الطيب
  • 0.5 كيلو بانيه متقطع شرايح
  • توابل للفراخ كاري
  • معلقه زيت
  • ملح
  • فلفل
  • زعتر
  • ريحان
  • صويا صوص
  • توم بودر
  • بصل بودر
  • كيس وربع مكرونه
  1. اول حاجه هنعمل الفراخ هنغسلها كويس ونصفيها ونقطعها شرايح ونحط عليها ملح وفلفل وزعتر ويحان وكاري وتوم بودره وبصل بودره نقلبها وفحله صغيره نحط حبه زيت نشوحها ونحط عليها معلقه الصويا صوص هتنزل مايتها وتشربها ونقفل عليها
  2. نسلق المكرونه كيس وشويه فمايه مغليه وعليه شويه ملح وحبه زيت صغيرين اتسلقت نطلعها فبوله ونحط عليها معلقه سمنه ورشه فلفل اسود ونسيبها
  3. البشااااااميل كلو عالبارد يعني الدقيق والسمنه واللبن والفلفل الاسود والملح ورشه جوزة الطيب والماجي ونقلبهم ونحطها على النار ونفضل نقلب لحد متتقل لا هتكلكع ولا هتبقي تقيله وبتطلع تحفه وممكن تزودو جبنه نستو
  4. خلصنا البشاميل ناخد منه حبه على المكرونه ونقلبها فبعضها ونرص نصها فالصانيه وفوقيها الفراخ وبعدين النص التاني ونظبطها ونحط عليها بقيت البشاميل
  5. هنجيب البيضه نروبها وعليها رشه فلفل اسود ونحطها على الوش وعلي الفرن وممكن نحط موتزريلا وممكن منحطش بيض ونحط معلقه سمنه
عجبتك الوصفة؟
شوف كل وصفاتنا في مكان واحد
كل الوصفات →