→ كل الوصفات

مكرونه بشاميل بالكبد والقوانص

طريقة عمل مكرونه بشاميل بالكبد والقوانص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو مكرونه أقلام
  • كيلو لبن
  • 1 حبة بصل مبشوره
  • 1 بيض
  • مكعب مرقه
  • 4 ملاعق كبار دقيق
  • ملح
  • فلفل اسمر
  • بهارات
  • سمن بلدي
  1. سلقت المكرونة وشيلتها قبل السوي بشويه
  2. سيحت ملعقتين السمنه ونزلت بالدقيق تحميره بسيطه ووانزل عليها باللبن مع التقليب الجيد
  3. واسيبه على نار هاديه لحد مايتقل قوامه واحط عليه مكعب المرقه وملح وفلفل اسود بسيط كده البشاميل جاهز. وغسلت الكبد والقوانص كويس
  4. غليت ماء عليها بهارات وسلقت فيها الكبد والقوانص
  5. وقبل السوا بحاجه بسيطه شلتها وقطعتها قطع صغيره
  6. شوحت البصله وعليها ملح وفلفل اسمر وبهارات ونزلت بالكبد والقوانص تقلبتين وطفيت وجبت صينيه كبيره ودهنتها سمنه
  7. حطيت ملعقتين بشاميل على المكرونة وقلبتها وحطيتها في الصينيه كلها لأن الصينيه كبيره والمكرونه هاتبقي طبقه واحده خفيفه وحطيت الكبد والقوانص على الوش وفردتها
  8. حطيت البيضه على البشاميل وقلبتها كويس وحطيتها على وش المكرونة ودخلتها فرن سخن لمده ربع ساعه تتشمع
  9. وبعدين فتحت الشوايه اخدت لون والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →