→ كل الوصفات
المره دى عملتها بالمقادير اللى موجوده عندي في البيت وطعمها جميل جداً يعنى ممكن بااقل حاجه نعمل اكل حلوه
المقادير
- كيس مكرونه عادى
- 2 صدر فراخ
- 2 بصله متوسطه مقطعه
- 2 فلفل اخضر مقطع
- البشاميل
- كوب دقيق
- كوب ونصف لبن سايل
- بيضه
- توابل على حسب الرغبه
- ملح
- ماء وملح ونصف ملعقة زيت لسلق المكرونه
طريقة التحضير
- بسم الله نضيف الماء والملح والزيت في حله ونسيبها تغلى لنسلق المكرونه
- نغسل صدور الفراخ بالميه والملح كويس ونقطعهم بالطول ونخلى القطعه رفيعه شويه
- ونحضر طاسه ونضيف فيها شويه زيت وعلى النار نشوح البصله تبقا لونه اصفر خفيف ونضيف الفلفل الاخضر ونقلب لمده خمس دقايق ثم نضيف الفراخ ونفضل نقلبهم على النار الى ان تتشرب الفراخ الماء بتعتها بعد كده نطفى النار ونضيف فلفل اسود وكزبره وكمون وملح المقادير على حسب رغبتك
- نحضر حله ونضيف ربع كوب زيت نضيف ونرفع الحله على النار تسخن شويه ونضيف الدقيق ونقلبه لمده خمس دقايق بالمضرب اليدوى ثم نضيف اللبن ونقلب الى ان نحصل على قوام ثقيل شويه وننزل الحله من على النار تبرد شويه ونضيف البيضه والملح والفلفل والكزبره والكمون
- نحضر صينيه بيركس نضيف فيها نصف كميه البشاميل ونضيف نصف كميه المكرونه ونضيف عليها حشو الفراخ ثم نضيف باقي المكرونه وعليها باقي البشاميل
- نشعل الفرن من تحت فقط ونضع المكرونه ونشوف اذا تحمرت من تحت نشعل النار من فوق لتحمير الوجه
- وبالهنا والعافيه عليكم يارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد