→ كل الوصفات

مكرونه بشاميل ❤

طريقة عمل مكرونه بشاميل ❤ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو مكرونه فرن
  • لحمه مفرومه
  • بصلتين وسط
  • عصير طماطم
  • قرنين فلفل رومي
  • مكعبات طماطم مقطعه
  • 4 كوب لبن
  • 2 كوب شوربه
  • مكعب مرقه
  • 4 معالق سمنه
  • 4 معالق دقيق
  1. نبدأ باللحمه المعصجه.... نحط حته سمنه ونحط عليها بصلتين متقطعين صغير خالص والفلفل
  2. لما البصل يدوب والفلفل ننزل باللحمه.. خمس دقايق وانزل عليها بعصير الطماطم عشان يديها لون احمر جميل..... ولما تستوي اللحمه بحط عليها الطماطم المكعبات ونظبط الملح بتاع اللحمه و ده شكلها النهائي
  3. تاني حاجه البشاميل.... نحط 4 معالق سمنه وعليهم 4 معالق الدقيق ونقلب بسرعه لحد مايبقي شكلها كده
  4. وبعدين نحط كوبايات اللبن والشوربه ونراعي انهم يكونوا ساقعين (لسه طالعين م التلاجه) ونقلب ع نار عاليه لحد ما يتقل معانا
  5. تالت حاجه المكرونه نسلقها.... ونبدأ نجهز الصينيه... بحط ف الصينيه م تحت طبقه بشاميل ونحط منها ع الاطراف برضو بالشكل ده 👇👇
  6. نبدأ نحط المكرونه وبعدها اللحمه المفرومه ومكرونه تاني وفي الاخر بحط نص البشاميل والنص التاني بضرب فيه بيضه ونوزعه ع الصينيه بالشكل ده👇👇وندخلها الفرن م فوق وتحت ع حراره 200 ولو لسه وشها محمرش ممكن نشغل الشوايه شويه لحد ماتحمر
  7. ده الشكل النهائي بتاعها وانا بحب احط عليها موتزريلا... بحطها قبل الاكل ع طول تسيح شويه ع الوش وبالهنا والشفا❤❤
عجبتك الوصفة؟
شوف كل وصفاتنا في مكان واحد
كل الوصفات →