→ كل الوصفات

مكرونه بشاميل 😋

#samna_kitchen

  • باكي مكرونه فرن (أقلام) مسلوقه
  • نصف كيلو لحمه مفرومه
  • 3 بصل كبير مفروم ناعم
  • 3 معلقه كبيره دقيق
  • 3 معلقه كبيره زبده مع معلقه زيت واحده
  • لبن
  • جبنه كريمي كاسات او مثلثات
  • ملح وفلفل اسود حسب الرغبة
  • جبنه شيدر او موتزاريلا
  1. هنشوح البصل لحد ما يذبل وياخد لون حلو هننزل عليه باللحمه المفرومه والملح والفلفل الأسود ونقلبهم ونعطيها لحد ما اللحمه تستوي تماما
  2. هنعمل البشاميل: هنسيح الزبده في طاسه سخنه وننزل عليها بالدقيق لحد ما يتحمر وياخد لون دهبي فاتح هننزل عليه باللبن والملح والفلفل الأسود والكريمه ونقلب لحد ما القوام يتقل (التقل حسب الرغبه)
  3. هنجهز الصينيه ونحط في قاع الصينيه شويه بسيطه من البشاميل ونحط نص كميه المكرونه المسلوقه ونقلبهم ونحط فوقهم اللحمه المفرومه ونحط فوقهم النص التاني من المكرونه
  4. وباقي كميه البشاميل وعلي الوش معلقه زبده سايحه للي مش بيحب الجبن او على الوش جبنه شيدر او موتزاريلا حسب الرغبه.. وندخلها فرن سخن لحد ما تحمر.. بس كدا🌷
عجبتك الوصفة؟
شوف كل وصفاتنا في مكان واحد
كل الوصفات →