→ كل الوصفات
# مكرونة بشاميل
المقادير
- ½ كيلو مكرونة فرن
- ¼ كيلو لحمة مفروم
- بصلتين متقطعين مكعبات صغيرة
- حبة طماطم صغيرة متقطعة مكعبات
- حبة فلفل رومى وسط متقطعة مكعبات
- معلقة صلصة
- معلقة جبنة كريمي عليها معلقة قشطة
- ملح وفلفل اسود حسب الرغبة
- مكعب مرق لحم
- معلقتين مية
- كيلو ونص لبن
- 3 معالق سمن كبار
- 5 معالق دقيق وسط
طريقة التحضير
- اول حاجة هنسلق المكرونة نص سلقة وانا عن نفسي بحب اشطفها شطفة خفيفة تنزل النشا الزيادة
- هنحط معلقة سمنة في طاسة هتسيح هننزل بالبصل يدبل وبعدين اللحمة لونها يغير ثم الفلفل الرومى ونديهم تشويحه مع بعض وبعد كدة ننزل بحبة الطماطم نديهم تقليبتين مع بعض وننزل بمعلقة الصلصة والمية ومكعب المرق ورشة ملح وربع معلقة صغيرة فلفل اسمر
- البشاميل انا بحب اكتر البشاميل فهستخدم كيلو ونص لبن المهم هحط معلقتين سمنة كبار وهنزل بخمس معالق دقيق يتغير لونهم وانزل بالبن ساقع ومعلقة الملح وربعمعلقة فلفل الاسمر وهفضل اقلب ايدي فيه عشان ميكلكعش او يتحرق لحد القوام الي عاوزاه
- بعد كدة هجيب صينية هحط كبشتين بشاميل ووزعهم فى قعر الصينيةوهحط نص المكرونةوالبشاميل الباقي هحط عليه معلقة القشطة والجبنة الكريمى وفوق نص المكرونة الي حطيناه هحط كبشتين بشاميل تانى ووزعهم ثم هحط اللحمة المتعصجة ثم باقي المكرونة وفوقيها باقي البشاميل وعلي درجة حرارة١٩٠ ٣٥ دقيقة ولو عاوزة وشها ياخد لون ايدي الشواية ٥ دقايق وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد