→ كل الوصفات
مكرونه بشاميل
المقادير
- 0.5 ك لحمه مفرومه
- كيس ونص مكرونه
- 3 بصلات كبار
- 4 م ك سمنه فلاحى
- 5 او 6 معالق كبار دقيق
- 0.5 ك لبن
- 0.5 ك شوربه
- جبنه تركى مبشوره او بيضه
طريقة التحضير
- اولا العصاج بنفرم البصل في الكابه و نحط السمنه و نشوح البصله لحد ما تدبل و نحط اللحمه و فلفل اسمر و شويه ملح لحد ما تستوى نطفى عليها و نحطها على جنب
- البشاميل 4 معالق سمنه و نحط الدقيق و نحمره بس مانغمقش اللون و بحيث ان الدقيق يكون بيعمل فقاقيع كدا يعنى السمنه ماتكونش قليله.. ونحمر الدقيق و ما نديهوش لون
- بعدين نكون محضرين لبن على شوربه و نحطه على طول على الدقيق و نقلب بسرعه و نحط شويه فلفل اسمر و ملح قليلين و نقلب لحد ما يتماسك و يغلى و ممكن تحطو كريمه طبخ كمان بس ماتكتروش و كدا البشاميل يكون جاهز و نطفى عليه
- طبعا هنكون سالقين المكرونه و مانغسلهاش و نحط عليها نص البشاميل بعد ما تبرد و نقلبه عليها
- نحضر الصنيه و ندهنها من تحت و نحط نص المكرونه و بعدين اللحمه و بعدين النص التانى من المكرونه و نحط باقى البشاميل على الوش و نحط الجبنه او البيضه طبعا البيضه بتكون مربوبه برشه فلفل اسمر و ملح و ندخلها الفرن على درجه حراره 180 و بعدين نحمر الوش من الشوايه
- وبعدين تطلع من الفرن تتقدم وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد