→ كل الوصفات
طريقة عمل مكرونه بشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو مكرونه أقلام
- 0.25 كيلو لحمه مفرومه
- كيلو لبن
- ملعقتين كبار دقيق
- ملعقتين سمن بلدي
- بصله مبشوره
- مكعبين مرقه
- ملعقتين صلصه طماطم
- ملح حسب الرغبة
- فلفل اسمر
- بهارات
- 1 بيض
طريقة التحضير
- سلقت المكرونة وشيلتها قبل السوي بشويه
- شوحت الدقيق في السمنه ونزلت مكعب المرقه عشان يدوب
- ونزلت باللبن شويه بشويه وانا بقلب لحد ما تجهز البشاميل
- شوحت البصله ونزلت باللحمه المفرومه تقلبتين وحطيت ملح وفلفل اسمر وبهارات
- حطيت صلصه طماطم ومعاها مكعب مرقه وشويه فلفل اسمر على النار بشويه زيت ونزلت عليهم المكرونة وطفيت ونزلت ملعقتين بشاميل وقلبتهم كويس
- ودهنت الصينيه بشاميل وحطيت المكرونة تحت وحطيت فوقها اللحمه
- وحطيت البيضايه على البشاميل الباقي ونزلته على المكرونة واللحمه
- دخلتها فرن سخن لمده عشر دقايق تتشمع وفتحت الشوايه لحد م احمرت والف هنا وشفا
- ودا شكلها من جوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد