→ كل الوصفات

مكرونه صيني 🍝

مكرونه بطريقه جديده سهله وسريعه 😋

  • 1/2 كيلو مكرونه إسباجتي
  • 1/4 كيلو لحمة مفرومه (إختياري) ممكن أي حشو تحبيه
  • بصله متوسطه مبشوره
  • فصين ثوم مبشورين
  • 1 فلفل أخضر و أحمر و أصفر متقطعين شرايح
  • 1 جزره مبشوره
  • 1/2 ليمونه
  • زيت
  • مرق ماجي
  • معلقتين كاتشب
  • معلقة صلصة طماطم
  • معلقة صويا صوص
  • كوب ماء ساخن
  • ملح وفلفل وقرفه وجوزة الطيب وثوم بودر وبصل بودر وبايريكا
  1. ف حله نصها مايه وشوية ملح ونقطتين زيت إسلقي المكرونه وبعد السوي صفيها وسبيها علي جنب
  2. ف حلة تانيه شوحي البصل المبشور ف ٤ معالق زيت للون الدهبي
  3. وبعدين ضيفي الثوم وشوحيه شويه مع البصل لحد مايبدأ يدبل
  4. وبعدين ضيفي الفلفل الألوان والجزر المبشور وقلبيه كويس وسبيه دقيقتين علي نار هاديه يدبل
  5. وبعدين ضيفي اللحمه المفرومه او اي حشو انتي حباه لحد مايتغير لونها وتتعصج (اقصد اللحمه المفرومه طبعا) 😅
  6. وبعدين انزلي بمرق الماجي وكل التوابل اللي جهزناها وقلبيها كويس
  7. وبعدين هننزل بالكاتشب والصلصه والصويا صوص والنص ليمونه وقلبيهم كويس
  8. وبعدين هنضيف كوب الماء ونقلبهم كويس
  9. وأخيرا هننزل بالمكرونه ونقلبها كويس
  10. وبعدين هدي النار خالص وغطي الحله وسبيها عشر دقايق
  11. والف هنا 🥰😋
عجبتك الوصفة؟
شوف كل وصفاتنا في مكان واحد
كل الوصفات →