→ كل الوصفات
هي كلها اسماء واختراعات نجرسكو يعني بالفراخ اما بشاميل باللحمه المفرومه وكلهم حلوين جربو طريقتي يارب تعجبكم 😉#الشيف_الذهبي
المقادير
- اك مكرونه اقلام او فرن
- 4 ملاعق دقيق مليانه
- توابل فراخ
- 1/2 لتر لبن
- قشطه حسب الرغبه
- ملح وفلفل
- 4 ملاعق سمنه او زيت
- الحشوة
- 3 بصله متوسطه مفرومه
- 2 صدور فراخ مقطع مكعبات صغيره
- ملح وفلفل وتوابل فراخ
طريقة التحضير
- نسلق المكرونه (نضع كميه ميه كتيرعلي النار بمجرد ماتغلي نضع ملعقة ملح وومعاها المكرونه)نص سوا ونسيبها فميتها من غير النارعلي جنب
- ثم نصفي المكرونه ومانغسلهاش نيجي بقا علي البشاميل نحط من ٣ لاربع معالق سمنه علي النار ثم عليها بالدقيق ونقلب ثم نضع اللبن والقشطه اختياري وتوابل ونقلب علي البارد لحد ماتروح الكلاكيع اللي فالدقيق ولو لاقيناها تقيله اوي نزودها نص كوب ماء اوشربه ونرجع علي النار ونقلب حتي نوصل للقوام الكريمي
- نيجي للحشوة نضع ماده دهنيه ملعقتين ثم البصل ثم الفراخ ونقلب ونحط فلفل وتوابلك الحلوة 😎تتغير لونه الفراخ تبقا استوت وبعدين نزود شويه ميه يعني نص كوب ماء وتترك للتشرب بس كده الحشوة جاهزه
- جه وقت الطبقات ،♨️نقلب الاول شويه بشاميل علي المكرونه ثم نضع طبقه مكرونه ثم حشوة الفراخ ممكن نقلب شويه حشوة علي البشاميل بعد مايستوي هيعلي الطعم 😉
- اه نسيت نبقا ندهن الصينيه شويه زيت او سمنه يبقا ١.طبقه مكرونه ٢.طبقه فراخ ٣.طبقه بشاميل صغيره ٤.طبقه مكرونه ٥. طبقه بشاميل كتيره لو فيه اي نوع جبن نرشها بس توضع علي النار شويه ونغطيها لحد ماتبقبق ثم توضع علي الشوايه تترك لتحمر وبالف هنا
- طولت عليكم معلش بس قولت بالتفصييل 😌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد