→ كل الوصفات
طريقة عمل مكرونه نجرسكو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس مكرونه أقلام نص كيلو
- 3 معالق دقيق
- 3 معالق سمن
- لتر لبن
- قطعه جبنه نستون
- مكعب مرقه دجاج
- ملح وفلفل اسود حسب الرغبة
- رشه جوزة الطيب
- جبنه موتزاريلا مع رومي
- بيضه
- شاورما فراخ منزله طريقتها على الصفحه عندي قبل وصفه النجرسكو
- حبة طماطم
- رشه زيتون كالاماتا
طريقة التحضير
- هنسلق المكرونه نص سلقه حوالي ٥ دقائق وترفع من على النار وتصفي
- الحشو:هنسوي الشاورما وبعد ماتسوى تبرد ونضيف لها الطماطم المقعه والزيتون. (اللي مش متاح عنده شاورما ممكن نجيب صدر فرخه مستوي نقطعه قطع صغيره مع بصل وفلفل مكعبات ونشوحهم مع معلقه زيت)
- صوص النجرسكو:هنضيف السمن ثم الدقيق ونقلب تشويحه بسيطه مش نحرقها وبعدين نضيف اللبن مع التقليب المستمر منسبش ادينا منها عشان متعمليش كتل بعد ماالدقيق يدوب مع اللبن خالص نضيف باقي مكونات الصوص كلها ماعدا البيضه والجبن نفضل نقلب منسبش ادينا منه خالص لحد مايبدأ يغلي معانا نرفعه من النار ونضيف له رشه جبن ونقلب عشان الجبنه تسيح جواها
- هنجيب صينيه مقاس ٢٨ وناخد ٢ معلقه أو ٣ في ارضيه الصينيه وناخد كوب كبير من الصوص ونقلب معه البيضه كويس ونركنه وبعدين نجيب المكرونه نقلبها كلها في باقي الصوص بعد ماقلبناها كويس هناخد نص المكرونه فردها في الصينيه وننزل فوقها بحشوه الفراخ نفردها فوقها وبعدين ننزل بباقي المكرونه فوق حشوه الفراخ نفردها وبعدين نجيب كوب الصوص المخلوط بالبيضه نفرده فوق المكرونه وندخلها الفرن اول مانلاقيها حرفها احمر نطلعها نحطلها رشه جبنه موتزاريلا مع الرومى وندخلها الفرن تاني تسيح
- بعد ماالجبنه ساحت نطلعها تبرد شويه وتقطع وتقدم وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد