→ كل الوصفات
بجد مالهاش حل حبيتها جداا جربوها ومش هاتندمو #ع_طريقتي #على_ضمانتي
المقادير
- ½ كوب زبده
- كيلو مكرونه شرايط
- 3 م ك دقيق
- 6 حبات مشروم كبيره
- 3 فصوص توم مفروم ناعم
- كوب لبن
- كوب كريمه لباني "كريمه طهي"
- م ص ملح
- فلفل ابيض
- رشه جوزه الطيب
- قطع فراخ
- 2 م ك زيت
- ½ كوب ورق بقدونس
طريقة التحضير
- اولا ف الزيت هانشوح قطع الفراخ مع رشه ملح وفلفل اسود ورشه جوزه الطيب ونديها تشوحيه حلوه لحد ما تستوي ننزل عليها بالمشروم ونديها تقليبه لحد ما يدبل معنا المشروم ونطفي النار.. نخليها ع جنب ونسلق المكرونه حوالي ٧ دقايق ونخليها ف الميا لحد ما نعمل الصوص
- هانحط الزبده ف حله و نسيحها ونحط فصين مستكه يدوبو مع الزبده ننزل بالدقيق وننزل بالتوم المهروس ونضيف الملح والفلفل الأبيض و جوزه الطيب ونقلب ننزل باللبن والكريمه ونقلب لحد ما ياخد معنا غلوتين وتطفي نضيف المكرونه و قطع الفراخ مع المشروم ونقلبهم ونحطهم ف الأطباق ونرش عليهم البقدونس ونقدمهم وبالهنا والشفا 👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد