→ كل الوصفات

مكرونه وايت صوص بالفراخ والخضار

الوصفه دى مش هنحتاج كريمه لبانى

  • مكرونه قلم (فرن) او اسباجيتى الكمية حسب العدد
  • مكعبات صدور فراخ
  • بصله
  • فصين توم
  • مشروم
  • فلفل الوان
  • 3 معلقة دقيق
  • 2 كوب لبن
  • كوب جبنه موزاريلا
  • كوب جبنه رومي
  • معلقة زيت
  • معلقة سمنة
  • مكعب مرقه
  • ملح
  1. هنسلق المكرونه عادى ونركنها
  2. ونجيب طاسه غير لاصقه نحط شوية زيت نسخنهم ونشوح فيه بصله مقطعه مكعبات صغيره وكام فص توم يتشوحوا نص تشويحه وننزل بالفراخ
  3. لما تبتدى تتشوح نضيفلها ملعقة دقيق ونكمل تشويحها وبعد كده ننزل بالمشروم والفلفل ونقلب ونركنهم على جنب
  4. ونجيب حله لو المكرونه كتير او طاسه غويطه لو الكمية صغيرة ونبتدى الصوص
  5. نحط معلقه السمنه عليها 2 كوب لبن وعليهم 2 معلقه دقيق بنفس الترتيب ونقلب وممكن نزود لبن او دقيق لحد قبل ما نوصل للقوام المطلوب
  6. نضيف مكعب المرقه والجبنه الموتزاريلا والرومى ونستمر في التقليب لحد ما تسيح ومع التقليب هنوصل للقوام المطلوب
  7. نضيف عليها الفراخ بالمشروم والمكرونه وتقلب وبالهنا والشفا 😊😍😍
  8. ممكن لو حابين نضيف خضار : جزر مبشور..كوسه حلقات رقيقه.. بصل جوانح صغيرة.. زيتون اخضر..بسلة
عجبتك الوصفة؟
شوف كل وصفاتنا في مكان واحد
كل الوصفات →