→ كل الوصفات

مكعبات دجاج والخضار بالصوص

#صدقة_جارية الوصفة دي هعتمدها في رمضان حلوة اوي هي وصفة لشيف

  • 1/2 كيلو صدور فراخ مخلية
  • 2 م ك زيت زيتون
  • م ص ملح
  • م ص فلفل اسود
  • 1/2 ليمونة معصورة
  • 1/2 م ص بابريكا
  • م ص زعتر
  • م ص هريسة
  • 1/2 كيلو خضار مشكل (مابين بطاطس وكوسة و فاصوليا وبسلة وجزر وممكن ذرة بسلقهم بس مش سلق كامل علشان بس يستوا اسرع)
  • 2 م ك زبدة
  • 2 م ك دقيق
  • 2 فص توم مهروس
  • 2 كوب حليب
  • 1/2 م ص ملح
  • 1/2 م ص فلفل اسود
  • م ص هريسة
  • 1/2 كوب مرقة مغلية
  • 1/2 كوب ماء مغلي (اختياري)
  1. نقطع صدور مكعبات متساوية و حجمهم وسط او صغير بس المهم قد بعض علشان تسوية تكون مع بعض كويس
  2. وفي بولة حطيت كل مكونات تتبيلة الفراخ من زيت زيتون وعصير ليمون و ملح وفلفل وبابريكا وزعتر وهريسة قلبتها كويس وبعدين نزلت بالفراخ وتبلتها بيهم كويس اوي وبعدين غطتها وركنتها ع جنب شوية
  3. سلقت الخضار نص سلقه علشان يكونوا نص او ٣/٤ مستويين علشان مايخدوش وقت معايا في الطبخ وينضجوا بسرعة وفي نفس الوقت مايتهروش مني
  4. وفي طاسة بحط زيت زيتون وبنزل بالفراخ المتبلة ولما تاخد لون اقلبها ناحيه تانيه علشان تستوي ٣/٤ تسوية وتاخد لون من كل جهات واطلعها ع جنب
  5. وفي نفس طاسه حطيت زبدة ولما نزلت بالتوم مجرد ما ريحته ظهرت نزلت بالدقيق وفضلت اقلب لحد ما دقيق بقى كريمي وانزل عليه بالحليب بالتدريج علشان مايحصلش اي كلكعة
  6. وبعدين حطيت ملح وفلفل ومعلقة صغيره هريسة مرقه واقلب هنلاقي قوام تقل شوية هنزل بالخضار واخلطهم كويس وبعدين انزل بالفراخ واقلبهم مع بعض هتلاقي قوام بيتقل فنخفف بالماء المغلي بالتدريج
  7. اغطي الطاسه واوطي ع نار علشان ينضجوا وكل لما تحسي قوام بيتقل خففي بالماء المغلي لحد ماتوصلي قوام كريمي وسايل وكل حاجه تستوي واقفلي عليه وقدميه مع رز ابيض وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →