→ كل الوصفات
#مالح انا من الناس اللي بتحب وصفات المالح أكتر بالنسبه ليا الحلو بتكون شوكولاته بس فأنا من الناس اللي بتميل للمالح أكتر 🤣 وأختي كمان كده الوصفة دي حلوه هتعجبكم جداً بإذن الله ❤️
المقادير
- 1/2 1 كيلو لحمة مقطعة مكعبات صغيرة قد لقمة
- بصلة مقطعة 3 ارباع
- 2 ورقة لورا
- 2 حبهان
- 1/2 م ص فلفل أسود
- رشة جوزة الطيب
- ماء كافي لعمل شوربة بسيطة
- رشة ملح حسب الرغبه
- كوب كريمة لباني
طريقة التحضير
- نقطع اللحم مكعبات صغيرة على أد اللقمه وبعدين نشوحها مع بصل وورق لورا وحبهان وفلفل اسود وجوزة الطيب على نار متوسطة
- نضيف ماء تدريجياً علشان تعمل شوربة بس قليله علشان الطعم يكون واضح وقوي ولما تقرب من السوى هنضيف الملح ونشيل ورق لورا والبصل
- المهم أن اللحمة يكون فيها كميه شوربه مناسبه ليها ونضيف الكريمه اللباني ونسيبها لحد ما تغلي ونشيلها من على النار ونقدمها ساخنه وبألف هنا ❤️
- ملحوظه : لو عملناها وسيبناها كتير وسخناها تاني الصوص هيتقل وخصوصا لو استبدلنا الكريمه باللبن والدقيق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد