→ كل الوصفات
ملفوف بعصير التمر هندي وبنكهة خاصة
المقادير
- رأس ملفوف عدد 2 حجم وسط
- 2 كاسة ونص رز مصري قصير
- 250 غرام لحمة ناعمة بقر
- 2 ملعقة ص كمون ناعم
- ملح حسب الرغبة
- 1/2 ملعقة صغيرة فلفل اسود
- ملعقة صغيرة محلب ناعم وهي سر النكهة المميزة
- عصفر او ورص (نبات عشبي) نص ملعقة صغيرة
- ريش خروف (اختياري)
- زيت نباتي (تقديري)
- 3 رؤؤس ثوم
- كاستين تمر هندي
- 1/4 فنجان دبس رمان
- ثوم 6 فصوص مدقوقين
- نعناع يابس ناعم
طريقة التحضير
- بسم الله منبدأ بتسخين ماء في طنجرة واسعة ومنقسم من فوق الملفوف ومنحطها ليرخو الاوراق منسحبهن ليطلعو كمية الوراق الملفوف ومنرجعهن على الماء لحتى نشوفهن انو صارو طراية مشان نقدر نلفهن
- بس نطلع الوراق من الماء بيبردو شوي منقسم الورقة بالنص ومنقيم القالوحة او القطعة القاسية يلي بنص الورقة ومنلف حسب طريقتكن كمان
- وهلق منجيب ريش الخاروف ومنفور عليهن ومنحطلهن بهارات صحيحة ومنخليهن ينسلقو على النار
- وبهاد الوقت نحنا منكون خلصنا لف الملفوفات كلهن وحتى الوراق يلي بيضلو بالاخر جوات الملفوفة نحنا منسميها دجاجة بفتحها من جوا وبحشبها رز وبرجع بسكرهن ورقة ورقة
- منجيب الريش واذا مافي ريش منجيب كم ورقة من الملفوف نضعها اسفل الطنجرة
- و منصف الملفوف داير الطنجرة ومنحط الجاجة (املفوف الصغيرة)يلي حشيناها منحطها بالنص مع كم راس ثوم ونضيف ملح حسب الرغبة مع وضع صحن تتقيلة ومنغمرهن بالماء الساخن
- عندما يغلي الماء نضعهن على نار هادئة مدة نصف ساعة وبعدها منضيف الصلصة يلي مذكورة فوق تمر هندي ودبس رمان والنعناع اليابس والثوم ومنتركهن 15 دقيقة يغلو ليتشربو حمض وبعدين منصفي المرقة ومنقدمهن
- وصحة والف عافية جربوها بهي الطريقة مابتندمو ☺️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد