→ كل الوصفات

ملفوف محشي

من اطيب الاكلات الشتوية😍طبخة مشهورة في المطبخ الفلسطيني خصوصاً في الشتاء😍وعطريقتي☺️

  • 2 كيلو غرام ملفوف بلدي
  • كاسة ونص كاستين رز مدور(مصري)مغسول
  • 300 غرام لحمة مفرومة ناعم
  • 3 حبات ثوم مهروس
  • 10 حبات ثوم مفروم شرايح
  • ما تسلقو ورق الملفوف كثير لحتى ما ينضج كثير ويتمزق ويقدم للاكل ساخن
  1. بنشيل القمعة من الملفوف،وبسلق الملفوف في طنجرة بماء مغلي(طريقتي هي بحط الملفوف من جهة القمعة الي شلتها لمدة كم دقيقة وبعدين بقلبها على الجهة الثانية) ببدا بسحب الملفوف
  2. بقطع الملفوف للحجم الي بدي اياه وبرتبو للحشي
  3. في وعاء بضيف الرز مع اللحمة وبضيف عليهم الثوم المهروس
  4. بضيف رشة ملح،رشة كمون،معلقة صغيرة بهارات مشكلة،معلقة ونص صغار بهار مخلوط،رشة بودرة مرقة الدجاج،معلقة كبيرة نعنع ناشف ومعلقة ونص كبار بقدونس ناشف والقليل من الزيت وبخلطهم جيداً
  5. بضيف بالطنجرة قمع الملفوف الي قسمتهم من ورق الملفوف
  6. ببدا بحشي الملفوف وبرتبهم بالطنجرة مع الثوم المفروم لشرايح
  7. في وعاء بضيف ماء مغلي مع ملح وبودرة مرقة الدجاج وعصير ثلاث حبات ليمون بخلطهم جيداً.. بضيف مكبس فخار للطنجرة وبضيف الصوص للملفوف
  8. بحط الطنجرة على نار هادية لحد ما تستوي..والف صحة وهنا.. يقدم مع اللبن الزبادي
عجبتك الوصفة؟
شوف كل وصفاتنا في مكان واحد
كل الوصفات →