→ كل الوصفات
#نكهة_عربية لي مايعرفهاش كلي مايعرف والو فوائدها لا تعد وبنتها هبال😍🇩🇿 أيا بنات الشرق بينو رواحكم👍
المقادير
- كيس ملخية الفواحة
- كاس زيت
- كمية لحم بڨري
- كمية كرشة بڨري
- راس ثوم
- بصلة متوسطة
- ملعقة صغيرة ملح
- ملعقة صغيرة فلفل اسود
- ملعقة اكل رأس الحانوت
- ملعقة صغيرة كركم
- ملعقة اكل طماطم علب
- ورقتين رند
- حبة طماطم
طريقة التحضير
- في طنجرت الضغط ندير كاس زيت ونفرغ عليه كيس الملوخية ونحطو على نار هادئة ونخلط مرة على مرة مدة ربع ساعة ثم نرحي البصلة والثوم ناعم ونضيفو الملوخية مع أطراف اللحم والكرشة ونخلط جيدا راح تبانلك نشفت وتلمت كالعجين متخافيش حركي وضيفي التوابل والطماطم المصبرة وحركي
- من بعد مرقيها بلتر ماء (لكل كيس ملوخية لازم لتر ماء) وزيديلها النار كي تبدا تغلي حركيها مليح واغلقي عليها الكوكوت مدة عشرين دقيقة وافتحي وحركيها واذا شفتي اللحم طاب نحيه وخلي الكرشة تكمل الطياب ونعاود نغلق عليها ونحسبلها نصف ساعة ونعاود نفتح عليها راح تشوفي بلي طلڨت الزيت اذا لقيتيها مازال والكرشة طابت خليها بلا ما تغلقي الكوكوت ورمي حبة الطماطم وفلفلة حارة وخليها حتى يخرج الزيت وتكون جاهزة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد