→ كل الوصفات
سلام البنات حبيباتي غالياتي ، ليوم جبتلكم وصفة ملوخية على طريقة امي الغالية 😘😘 وصفة رووعة و بنينة اممممم😘😘😍😍🥰🥰 اتفضلو معايا 👇 .
المقادير
- ساشي ملوخية الفواحة
- ½ رطل لحم او كويس دجاج او نصف صدر دجاج (لي كاين عندك)
- بصلة صغيرة
- راس ثوم صغير
- حبة صغيرة طماطم
- مغرفة صغيرة راس الحانوت
- مغرف صغيرة ملح
- كأس زيت
- 1 لتر و نصف ماء سخون
- 2 حبات فلفل احمر
- 3 ورقات رند
طريقة التحضير
- بسم الله و توكلنا على الله
- حطي اللحم في المرميطة ، زيدي فوقو كاس زيت ، و خليه يتقلا شوي ، و رابي بصلة و ثوم و حبة طماطم مع بعضاهم و لوحيهم فوق اللحم يتقلاو ، حتتان يتقلاو مليح زيدي فوقهم راس الحانوت و الملح و خلطي و خليهم يتقلاو على نار هادية
- نجيب لتر و نصف ماء و نسخنو مليح حتان قريب يغلي و نحطو جانبا
- نجيب ساشي نتاع الملوخية ، غربليها و حطيها في المرميطة فوق المكونات لي حطيناهم قبل و خلطي مليح
- مع تكملي تخلطي ماتخليهاش تتقلا باش ماتلصقش جيبي ديراكت الماء لي كنتي سخنتيه ،و فرغيه فوق الملوخية تدريجيا ، تفرغي الماء و تخلطي في نفس الوقت باش ماتلصقلكش
- كي تبدا تغلي كيما راو موضح في الصورة 👇 عاودي خلطي مليح حتان يتخلطو المكونات مع بعض
- منبعد حطي فوقها 3 ورقات رند كيما موضح في الصورة 👇
- و خليها طيب على نار هادية لمدة 3 سوايع ونص ، كي تبقالها نص ساعة باه طيب لوحي الفليفلات. كفاه تعرفيها بلي طابت ؟، تلقايها خاثرة و طلقت الزيت كيما راهي موضحة في الصورة 👇
- و اخيرا حطوها في صحن التقديم و شهية طيبة للجميع 😘😘💗 ان شاء الله تجربو الوصفة و تجيكم كيما تبغيوها و تاكلوها بالصحة و الهنا انشاء الله 😘😘❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد