→ كل الوصفات

ملوخية بالجمبري 😋💓🍤

الملوخية من الأكلات المصرية اللذيذة ودايما تكون بجانب البط أو الفراخ أو الأرانب والملوخية بالجمبري بئا قصة تانية خالص حاجة كدة خياااال 🤩👌

  • 1 كيس ملوخية جاهز
  • 1/2 كيلو جمبري مقشر
  • 1 ملعقة كبيرة ثوم مهروس
  • 1 مكعب مرقة
  • 3 كوب ماء
  • 1/2 ملعقة ملح
  • 1/2 ملعقة فلفل اسود
  • 1/2 ملعقة كسبرة ناشفة
  • 1/4 ملعقة سكر
  • 3 ملاعق زيت
  1. أولاً في حلة علي النار نضع فيها الزيت ونضع عليه ملعقة صغيرة من الثوم ولما يتغير لون الثوم حبة بنضيف الجمبري ونقلبهم مع بعض كويس لحد لما يتغير لون الجمبري بعد كدة نضيف الماء ومكعب المرق والملح والفلفل والسكر ونسيب الجمبري يغلي مع الماء😍
  2. بعد كده نضيف كيس الملوخية أو ممكن تستعملي ملوخية طازجة حوالي1/2كيلو وقلبي الملوخية مع الجمبري على نار هادية ومتغطيش الحلة خالص عشان متسقطش منك الملوخية😍
  3. نعمل الطشة بئا 🤩 بنجيب مقلاية ونضع فيها حبة زيت ونضع فيها ملعقة صغيرة من الثوم و1/2ملعقة من الكسبرة الناشفة ونحمرهم شوية مع بعض وبعدين نضفهم على الملوخية ونقلبهم مع بعض ونطفي النار على الملوخية بعد كدة😍
  4. قدمي بئا الملوخية في طبق التقديم وممكن تاكلي معاه رز ابيض او عيش وسلطة خضرة زي ما إنتي عاوزة وبس كدة بجد طعم الملوخية مع الجمبري حاجة كدة خياااال بجد👌🤩وبالهنا والعافية عليكي حبيبتي 😘🤗😍🌹💓
عجبتك الوصفة؟
شوف كل وصفاتنا في مكان واحد
كل الوصفات →