→ كل الوصفات

ملوخية بالجمبري

طريقة عمل ملوخية بالجمبري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/4 كيلو ملوخية خضرا متفرزة
  • راس توم مفرومة
  • معلقة صغيرة ملح
  • معلقة كبيرة كسبرة ناشفة
  • معلقة سمنة
  • 1/2 كيلو جمبري صغير
  • مكعبات طماطمتين
  • بصلة كبيرة مبشورة
  • معلقة صغيرة ملح
  • معلقة صغيرة كمون
  • معلقة صغيرة فلفل اسود
  1. ننقع الجمبري في ماية وبعدين نغسله كويس
  2. نحط البصلة المبشورة في حلة وعليها الجمبري ونشوحهم مع بعض ونحط الطماطم ونشوحهم وننزل بالماية والملح والفلفل والكمون ونغطيهم لحد ما الجمبري يستوي ونصفيه من الشوربة ونقشره
  3. نجيب حلة نحط فيها كبشتين من شوربة الجمبري وننزل عليهم بالملوخية لحد ما تدوب نحطها ع البوتاجاز وننزل فيها بالجمبري
  4. نخلط التوم والملح والكسبرة مع بعض ونحط معلقة سمنه في الطاسة وننزل عليها بالتوم ونخليها تاخد اللون الدهبي ونطشها في الملوخية ونقلبهم كويس ونقدمها وبالف هنا يا رب
عجبتك الوصفة؟
شوف كل وصفاتنا في مكان واحد
كل الوصفات →