→ كل الوصفات

ملوخية بالدجاج مع الرز

طريقة عمل ملوخية بالدجاج مع الرز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فروج كبير مسلوق ومسحوب منه العظم
  • باقة كزبرة خضرا
  • راس توم
  • بصلتين كبار
  • 2 ملعقة كبار كزبرة يابسة
  • 2 وقية ملوخية يابسة مغسلة ومصفاية
  • بهار وملح حسب الرغبة
  • قرن حر احمر او اخضر
  1. بنقلي البصل والتوم وبس يصير لونن دهبي بنضيف الكزبرة الخضرة واليابسة وبنقلبهم لتتدبل الكزبرة…
  2. بنحط فوق التتبيلة الملوخية المعصرة وبنقليهم شوي
  3. بنضيف مرق الدجاج المصفى فوقن
  4. بنحط الملح والسبع بهارات مع رشة كمون يابس وقرن الحر المقطع
  5. بنتركهم على نار هادية حتى تستوي الملوخية
  6. بنضيف لحم الدجاج وبنقلبهم شوي شي وبنتركهم شي خمس دقايق
  7. بنطفي تحتهم وبنسكبهم بجاطات السكب
  8. بناكل جنبن رز مفلفل وفليفلة خضرة مع حر اخضر وبنعصر حامض حسب مابنحب
  9. وعوافي عاقلوبكن❤️💕
عجبتك الوصفة؟
شوف كل وصفاتنا في مكان واحد
كل الوصفات →