→ كل الوصفات

ملوخية بالدجاج

#سوريتي_هويتي #ملوخية

  • 250 غ ملوخية ورق جافة
  • 4 فخاذ دجاج
  • 10 فصوص ثوم
  • حزمة كزبرة خضراء
  • ملعقة كزبرة جافة
  • ملح (حسب الرغبة)
  • كأس زيت أو زبدة أو سمن
  • 4 حبات هيل حب
  • عود قرفة
  • ورقتين غار
  • بصلة صغيرة
  • 5 حبات قرنفل حب
  • عصير ليمونة
  1. بنقع الملوخية بعد تنقايتها من العيدان بماء فاترة من الحنفية لمدة نص ساعة
  2. بعصر الملوخية منيح
  3. بقلي الملوخية بشوية زيت وعصير الليمون وثوم مفروم
  4. بسلق فخاذ الدجاج مع البصلة والمطيبات (هيل ، قرفة ، قرنفل ، ورق غار) وبس يستوو بفصلهم عن العظام
  5. بطنجرة بحط فيها الملوخية المقلاية وبضيف عليها ماء سلق الدجاج وعلى نار عالية حتى تغلي بعدين بخفف النار وبضيف ملح وكزبرة يابسة
  6. بتركها على نار هادية وبس تقرب تستوي بنزل الدجاج المسلوق فوقها
  7. بس تستوي الملوخية بهرس باقي فصوص الثوم وبضيفن عالملوخية
  8. بضيف الكزبرة الخضرا المفرومة وبقلبها وبترك الملوخية على نار هادية 10 دقائق
  9. بتتقدم الملوخية مع رز بالشعيرية
  10. و صحتين و عوافي
  11. ملاحظات: عصير الليمون بضيفو اثناء التقلاية حتى تروح لزوجة الملوخية.. ممكن نطبخها على لحم بدل الدجاج
عجبتك الوصفة؟
شوف كل وصفاتنا في مكان واحد
كل الوصفات →